സാംസ്‌കാരിക ഘോഷയാത്രയില്‍ അറബന മുട്ട്, ചീനിമുട്ട്, ശിങ്കാരി മേളം, കോല്‍ക്കളി, കുട്ടികളുടെ സ്‌കേറ്റിംഗ് റാലി തുടങ്ങിയവയുടെ അകമ്പടിയോടെ കൊണ്ടോട്ടിയിലെ കലാസാംസ്‌കാരിക കൂട്ടായ്മകളുടെ പ്രവര്‍ത്തകര്‍, അക്കാദമി അംഗങ്ങള്‍, ജനപ്രതിനിധികള്‍ തുടങ്ങിയവര്‍ നേതൃത്വം നല്‍കി. രാവിലെ നടന്ന പരിപാടിയില്‍ അക്കാദമി വിദ്യാര്‍ത്ഥികളുടെ കലാമേള പക്കര്‍ പന്നൂര്‍ ഉദ്ഘാടനം ചെയ്തു.
ഉദ്ഘാടന സമ്മേളനത്തില്‍ അക്കാദമി പ്രസിദ്ധീകരിച്ച സഹീര്‍ മാസ്റ്റര്‍ വടകര രചന നിര്‍വ്വഹിച്ച ''ഒപ്പന, പാടാനും അറിയാനും'' എന്ന പുസ്തകം മന്ത്രി വി. അബ്ദുറഹിമാന്‍ പ്രകാശനം ചെയ്തു. ടി.കെ. ഹംസ പുസ്തകം ഏറ്റുവാങ്ങി. അക്കാദമി സെക്രട്ടറി സ്വാഗതം ആശംസിച്ചു. ബ്ലോക്ക് പഞ്ചായത്ത് പ്രസിഡന്റ് കെ. ബിന്ദു, കൗണ്‍സിലര്‍മാരായ ഷബീബാ ഫിര്‍ദൗസ്, ഷാഹിദ എം, സാലി കുന്നുമ്മല്‍, ഷിഹാബ് കോട്ട തുടങ്ങിയവരും ഡോ. കെ.കെ. മുഹമ്മദ് അബ്ദുല്‍ സത്താര്‍, കാനേഷ് പൂനൂര്‍, പുലിക്കോട്ടില്‍ ഹൈദരാലി, ഫൈസല്‍ എളേറ്റില്‍, ഫിറോസ് ബാബു, രാഘവന്‍ മാടമ്പത്ത്, ഒ.പി. മുസ്തഫ, സി.എച്ച്. മോഹനന്‍, ഡോ. പി.പി. അബ്ദുല്‍ റസാഖ്, എന്‍. പ്രമോദ് ദാസ്, എന്നിവരും സംസാരിച്ചു. രാത്രി കോഴിക്കോട് കാദംബരി അവതരിപ്പിച്ച ''ലൈവ് ബാന്‍ഡ് മെഗാ ഷോ'' വി.പി. മന്‍സിയ ഉദ്ഘാടനം ചെയ്തു.
നാളെ രണ്ടാം ദിവസം കുടുംബശ്രീ പ്രവര്‍ത്തകരുടെ കലാസംഗമം, വാക്കും നോക്കും, അറബന മുട്ടും റാത്തീബും, ഗസല്‍ രാവ് എന്നീ പരിപാടികള്‍ നടക്കും.
